Nafnið vísar til norræna sjávargoðsins Njarðar, sem tengist sjónum og auðugum náttúruauðlindum. Með því endurspeglar það uppruna og hlutverk okkar, að nýta gjafir hafsins og umbreyta þeim í verðmæti á sjálfbæran máta.

Við vinnum hreinan magnesíummálm sem síðan verður unninn í sérhæfðar málmblöndur. Þær málmblöndur eru mótaðar með þróuðum málmvinnsluaðferðum eins og Thixomolding, þar er málmurinn mótaður í hálfbráðnu ástandi. Þessi tækni gerir okkur kleift að framleiða flókna hluti fyrir margskonar iðnað með mikilli nákvæmni og gæðum.

Í einum rúmmetra (1 m³ = 1000 lítrar) af sjávarvatni eru að jafnaði um 1,3 kg af uppleystu magnesíumsalti. Njörður hyggst framleiða 50.000 tonn af hreinu magnesíum á ári og þá má reikna þetta svona:

• Heildarþörf vatns = 50.000.000 kg ÷ 1,3 kg/m³ ≈ 38,5 milljón m³ sjávarvatns á ári

Þetta jafngildir um 1.2 m³ lítrum á sekúndu. Til samanburðar er þetta 50x lægri sjávarupptaka sem Landeldi af svipaðri stærðargráðu tekur inn.

• Framleiðsla Njarðar hefur hverfandi áhrif á heildarseltu sjávar. Þegar sjávarvatnið hefur farið í gegnum vinnsluna er það leitt aftur út í hafið. Þessi breyting er smávægileg og er ekki mælanleg í samanburði við náttúrulega hreyfingu og blöndun sjávar, þar sem öldur og straumar jafna styrkinn á örfáum augnablikum. Magnesíum útfelling vegna sjávarupptöku starfseminnar er hverfandi miðað við það sem hafstraumar flytja framhjá ströndum landsins á hverri sekúndu. Hafið endurnýjar þetta magn á örfáum augnablikum.

• Magnesíum er áttunda algengasta frumefni jarðar og finnst í miklu magni í sjó, sem gerir það að auðfáanlegri og sjálfbærri auðlind. Í hafinu er að finna u.þ.b. 1.7 trilljón tonn af magnesíum. Seltu sjávar mælum við í „pró mill“ (‰), og hún er að jafnaði 35‰. Magnesíumjónir mynda um 3,7% af þessari seltu, eða tæplega 1,3 g í hverjum lítra. Efnafræði hafsins er stöðug og náttúrulegar breytileikar í styrk magnesíums í sjó, bæði hvað varðar tíma og stað, eru mun meiri en þær breytingar sem yrðu af völdum útdráttar. Þegar Njörður vinnur magnesíum er þetta hlutfall aðeins tímabundið lækkað á staðnum, en þegar vatnið fer út í hafið blandast það strax við milljónfalt meira vatn á örfáum sekúndum. 

Náttúruleg hringrás magnesíums hefst og lýkur í hafinu. Magnesíum leysist úr bergi, sem berst í sjóinn með ám og úrkomu. Þar tekur magnesíum þátt í vistkerfi hafsins og berst síðan aftur út í jarðlög með hringrásarflæði vatns. Með framleiðslu Njarðar er þetta nátturulega hringrásarferli nýtt tímabundið: við tökum upp magnesíum úr sjónum sem að lokum endar í hafinu á ný, þegar vörurnar eru endurunnar eða brotna niður í náttúru með tímanum.